قاتل کو یاد کر کے ، قضا کو پُکار کے
مقتل میں حال پُوچھو نہ مجھ بے قرار کے
تم اپنے گھرکو جاؤ چُھری پھیر پھار کے
رُکتی نہیں ہے گردشِ ایّام کی ہنسی
لے آنا طاق سے مِرا ساغر اُتار کے
جی ہاں شراب خور ہیں ہم تو جنابِ شیخ
بندے بس ایک آپ ہیں، پروردگار کے
لِکھّا ہُوا جہاں تھا مُقدّر میں ڈوبنا !
کشتی کو موج لائی وہیں گھیر گھار کے
صیّاد تیرے حُکمِ رہائی کا شکریہ
ہم تو قفس میں کاٹ چُکے دن بہار کے
ہم اُن سےبات کر نہ سکے بزمِ غیر میں
شوقِ کلام رہ گیا دل مار مار کے
بجلی کبھی گِری، کبھی صیّاد آگی
اہم نے تو چار دن بھی نہ دیکھے بہار کے
کتنی طویل ہوتی ہے اِنساں کی زندگی
سمجھا ہُوں آج میں شبِ فرقت گزار کے
میّت قمر کی دیکھ کے بولے وہ صبحِ ہجر
تارے گِنے گئے نہ شبِ انتظار کے
قمر جلالوی
There will not be just about anything to drop, instead the can have a peek at your future for free. Hum TV Dramas, ARY Dramas, Pakistani Talk Shows, Dramas Online, Drama Online, Urdu Columns, ARY Dramas And Urdu News
ReplyDelete